बिहिबार, मंसिर १६, २०७८ | Thursday 2nd December 2021
  • होमपेज
  • सरकारले ऐतिहासिक अवसर चुकाउनु हुँदैनः यादव
समाचार

सरकारले ऐतिहासिक अवसर चुकाउनु हुँदैनः यादव

काठमाडौँ, १२ साउन । राष्ट्रिय जनता पार्टी नेपालका अध्यक्षमण्डलका संयोजक राजकिशोर यादवले देशलाई आर्थिकरुपमा समृद्ध बनाई जनताको लामो समयदेखिको आकाँक्षा पूरा गर्ने ऐतिहासिक अवसरलाई वर्तमान सरकारले पूरा गर्नुपर्नेमा जोड दिनुभएको छ । रिपोर्टर्स क्लब नेपालमा आज आयोजित साक्षात्कारमा उहाँले जनताको अपेक्षाबमोजिम यो सरकारले अझै परिवर्तनकारी काम गर्न नसकेको बताउनुभयो ।

संयोजक यादवले देशको अहिले आर्थिक अवस्था कमजोर रहेको, नेपाल राष्ट्र बैंकसँग आठ महिनाका लागि मात्र मुद्रा सञ्चिति रहेको, व्यापारघाटा र सोधान्तरस्थिति बढेको तथा नेप्से सूची कमजोर भएको उल्लेख गर्नुभयो ।

एक प्रसङ्गमा उहाँले वर्तमान संविधानले पूर्णता पाइनसकेको र संशोधन गर्नुपर्ने भएपनि सरकारले यसमा जिद्दी गरिरहे फेरि आन्दोलन हुने बताउनुभयो । बर्सेनी पहाडमा पहिरो आउने तथा मधेश जलमग्न हुने स्थिति रहेकाले यसलाई नियन्त्रणमा ध्यान दिनुपर्ने, बाढीपहिरो प्राधिकरण गठन गरी आकाशको पानी सङ्कलन तथा उपयोग नीति बनाउनुपर्नेमा पनि संयोजक यादवले जोड दिनुभयो ।

पार्टीको सिद्धान्त तथा विचार मिल्ने पार्टीसँग एकीकरण गरिने र यसका लागि समाजवादी पार्टीबाहेक साना पार्टीहरुसँग कुराकानी भइरहेको छ भन्दै उहाँले आफ्नो दलको महाधिवेशन सफल बनाइने र संसद्मा बलियो प्रतिपक्ष आवश्यक भएकाले पार्टीको विचार मिल्ने मुद्दामा नेपाली काँग्रेससँग सहकार्य गरीसशक्त भूमिका निर्वाह गरिने पनि बताउनुभयो

चर्चामा

सम्बन्धित समाचार