शनिबार, मंसिर १८, २०७८ | Saturday 4th December 2021
  • होमपेज
  • काँकरभिट्टातर्फ लैजादै गर्दा छ ट्रक गाईगोरु पक्राउ
समाचार

काँकरभिट्टातर्फ लैजादै गर्दा छ ट्रक गाईगोरु पक्राउ

पश्चिम नेपालबाट पूर्वको काँकरभिट्टातर्फ छ ट्रक गाईगोरु लगिरहेको अवस्थामा बिहीबार राति पथलैया प्रहरीले पक्राउ गरी पशु क्वारेन्टाइन चेक पोष्टमा बुझाएको छ । गाईगोरु बोकेका ना ७ ख ३४०, ना ७ ख ३२३९, लु १ ख ९८९५, ना ६ ख ६६४१, ना ७ ख ९१४३ र अर्को एक गरी छ ठूला ट्रकमा ४३ गोरु र १३६ गाई पूर्वतर्फ लगिरहेका बेला बिहीबार राति पूर्व–पश्चिम राजमार्गअन्तर्गत बाराको पथलैयामा जाँचका क्रममा नियन्त्रणमा लिइएको इलाका प्रहरी कार्यालय सिमराका प्रहरी नायब उपरीक्षक गोविन्द पुरीले बताउनुभयो ।

पक्राउ परेका ट्रकसहित गाईगोरु क्वारेन्टाइन चेक पोष्ट पथलैयालाई बुझाएपछि चेकपोष्टले पशुसेवा ऐन २०५५ र पशु ढुवानी मापदण्डविपरीत भएको भनि रु दुई लाख ५० हजार जरिवाना गरी छाडिएको प्रहरीचौकी पथलैयाले जनाएको छ । गाईगोरु चितवन सप्लायर्सले पश्चिम नेपालका विभिन्न ठाउँबाट सङ्कलन गरी काँकडभिट्टा नाका हुँदै भारतको बाटोबाट बङ्गलादेशतर्फ लान खोजेको प्रहरीको भनाइ छ ।

चर्चामा

सम्बन्धित समाचार