शनिबार, माघ ८, २०७८ | Saturday 22nd January 2022
  • होमपेज
  • शम्भूजीतलाई जीवन्त नेपाल म्यूजिक अवार्डमा जीवन्त योगदान संगीत सम्मान गरिँदै
मनोरञ्जन

शम्भूजीतलाई जीवन्त नेपाल म्यूजिक अवार्डमा जीवन्त योगदान संगीत सम्मान गरिँदै

काठमाडौं, १७ पुष । बिगत साँढेर चार दशकदेखि नेपाली सँगीत बृत्तमा सक्रिय बरिष्ट संगीतकार तथा नेपाल संगीत तथा नाट्य प्रज्ञा प्रतिष्ठानका पूर्व उपकुलपति शम्भूजीत बासकोटा जीवन योगदान संगीत सम्मान २०७८ बाट सम्मानित हुँने भएको छन् । उनलाई अग्लेश्वरी हिल्स विकाश कोषले सोमबार काठमाडौंको सोल्टी होटरमा आयोजना गरेको जीवन नेपाल म्यूजिक अवार्ड समारोहमा सो सम्मानबाट सम्मानित गरिने भएको छ ।

सोही कार्यक्रममा संगीतकार शिलाबहादुर मोक्तान, गीतकार श्रवण मुकारुङ र गायिका कुन्ति मोक्तान विशिष्ट योगदान संगीत सम्मानबाट सम्मानित हुँने भएको छ । यस्तै पत्रकार तर्फबाट अग्रज पत्रकार बिदुर गिरी र मनोहरि थापा पनि
कार्यक्रममा सम्मानित हुँने भएका छन् ।

सांगीतिक क्षेत्रबाट आनी छोइङ डोल्मा, मिलन मोक्तान, डा. डि आर उपाध्याय, धनकुमारी थापा (सरु), विशेष सेवा तर्फबाट नेपाल बिद्दुत प्राधिकरणका प्रवन्ध निर्देशक कुलमान घिसिङ र लेखकबाट शँकर तिवारी पनि बरिष्ट सम्मानबाट सम्मानित हुँदैछन् ।

रामेछापको दोरम्बा, सेनापति र खाँडादेवि गाउँपालिकाको शैलुङ क्षेत्रमा रहेको अग्लेश्वरी हिल्समा विश्वकै अग्लो बुद्धको मुर्ती, महादेवको मुर्ती सहित जीप लाईन र सिसाको ह्याङगिङ ब्रिज निर्माण अभियानको लागि यो अवार्ड कार्यक्रम आयोजना गरिएको आयोजक संस्थाका अध्यक्ष सिजम सिंजालीले बताएका छन् ।

कार्यक्रममा २०७६ सालमा बजारमा आएका गीतहरुबीच प्रतिस्पर्धा हुँनेछ । जसमा ३० विधामा जीवन नेपाल म्यूजिक अवार्ड प्रदान गरिने छ । २०७७ मा आयोजन गर्नुपर्ने यो अवार्ड कोरोना महामारीका कारण २०७८ मा आयोजना गरिएको पनि सिजमले बताएका छन् । कार्यक्रम सोमबार बेलुका ५ बजेबाट सुरु हुँने भएको छ ।

चर्चामा

सम्बन्धित समाचार