आइतवार, माघ ९, २०७८ | Sunday 23rd January 2022
  • होमपेज
  • महाभूकम्पमा परि देव्रे खुट्टा गुमाएका भारोत्तोलक च्याम्पियन शरदको संघर्ष र सफलतामा ‘उठ्न सकिन्छ’
भिडिओ

महाभूकम्पमा परि देव्रे खुट्टा गुमाएका भारोत्तोलक च्याम्पियन शरदको संघर्ष र सफलतामा ‘उठ्न सकिन्छ’

काठमाडौं,२१ मंसिर । ०७२ सालको महाभूकम्पमा परि देव्रे खुट्टा गुमाएका शरद पौड्यालले त्यसपछि भारोत्तोलनमा गरेको संघर्ष र सफलताको कथालाई ‘उठ्न सकिन्छ, हिम्मत नहारे’ बोलको गीतमा प्रस्तुत गरिएको छ । पुष्पन प्रधानको स्वर र संगीत रहेको गीतको भिडियो मंगलबार सार्वजनीक गरिएको छ ।

बरिष्ट गीतकार दिनेश अधिकारीको शब्द रहेको गीतको भिडियो सुरेन्द्र सिंह नेपालीले निर्देशन गरेका हुन् । निराजन प्रधान र रुबिना थापाले अभिनय गरेको भिडियो बाबु श्रेष्ठले खिचेका हुन भने रेनीश फागोको कलर, श्रीकृष्ण श्रेष्ठको भिएफएक्स र भूपेन्द्र अधिकारीको सम्पादन छ ।

सम्झना सिंह नेपाली निर्माता रहेको भिडियोमा जस्तो परिस्थितिमा पनि हिम्मत नहारि जीउनु पर्छ भन्ने प्रेरणादायिक सन्देश प्रस्तुत गरिएको छ । यथार्थ घटनालाई प्रस्तुत गरिएको गीत तथा भिडियोले दर्शक–स्रोताबाट उत्कृष्ट प्रतिक्रिया पाइरहेको जानकारी निर्देशक नेपालीले दिए । उनले गीतको माध्यमबाट आममानिसमा बाँच्ने र समाजका लागि केही गर्ने सन्देश प्रस्तुत गरिएको बताएका छन् ।

चर्चामा

सम्बन्धित समाचार