शनिबार, माघ ८, २०७८ | Saturday 22nd January 2022
  • होमपेज
  • मङ्गलसैनबाट टीकापुर जाँदै गरेको बस दुर्घटना, दुईको मृत्यु, २९ जना घाइते
समाज

मङ्गलसैनबाट टीकापुर जाँदै गरेको बस दुर्घटना, दुईको मृत्यु, २९ जना घाइते

मार्तडी, १४ मङ्सिर: अछामको मङ्गलसैनबाट टीकापुर जाँदै गरेको ना६ख ८२९ नम्बरको बस कैलाश खोला नजिकै आज दिउँसो दुर्घटना हुँदा दुई जनाको घटनास्थलमै मृत्यु भएको छ ।

मृत्यु हुनेमा मङ्गलसैन नगरपालिका–१४ का ५७ वर्षीय टेक भण्डारी र सोही नगरपालिका–१ का अन्दाजी २२ वर्षीय एकेन्द्र थापा रहेको जिल्ला प्रहरी कार्यालय अछामका प्रहरी नायब उपरीक्षक तुलसीराम अर्यालले राससलाई जानकारी दिनुभयो । उहाँका अनुसार दुर्घटनामा परी २९ जना घाइते भएका छन् ।

बस सडकबाट उल्टो पल्टिएकाले घाइतेको उद्धार भइरहेको छ । दुर्घटनामा परी मृत्यु हुनेको सङ्ख्या बढ्न सक्ने प्रहरीले अनुमान गरेको छ । घाइते भएकालाई बयालपाटा र जिल्ला अस्पताल मङ्गलसैनमा उपचारमा लागि पठाइएको प्रहरी निरीक्षक अर्यालले बताउनुभयो । (रासस)

चर्चामा

सम्बन्धित समाचार