शनिबार, मंसिर १८, २०७८ | Saturday 4th December 2021
  • होमपेज
  • डिभिजिन वन कार्यालय तनहुँद्वारा उत्कृष्ट सामुदायिक वनलाई पुरस्कृत
समाचार

डिभिजिन वन कार्यालय तनहुँद्वारा उत्कृष्ट सामुदायिक वनलाई पुरस्कृत

डिभिजिन वन कार्यालय तनहुँले जिल्लाका छ वटा वन समूहलाई मङ्गलबार पुरस्कृत गरेको छ । वन क्षेत्रको विकासमा सफल भएका सामुदायिकका तीन र कबुलियतीका तीन वन समूहलाई नगदसहित पुरस्कृत गरिएको हो । जिल्लामा सामुदायिकतर्फ ६१३ र कबुलियतीतर्फ ४८५ वटा वन समूहमा आबद्ध रहेको डिभिजन वन कार्यालय तनहुँले जनाएको छ ।

पुरस्कृत हुनेमा सामुदायिक वनतर्फ म्याग्दे गाउँपालिका–२ स्थित उमाचोक प्रथम, व्यासनगरपालिका –११ स्थित धारापानी द्वितीय र शुक्लागण्डकी नगरपालिका– १२ स्थित जलविरे कदमपानी वन समूह तृतीय भएका छन् । उनीहरुले क्रमशः आठ, छ र चार हजार नगद तथा प्रमाणपत्र प्राप्त गरेका छन् ।

त्यसैगरी कबुलियतीतर्फ आँबुखैरेनी गाउँपालिका–४ स्थित गँैडाटार कबुलियती प्रथम, शुक्लागण्डकी नगरपालिका–८ स्थित लामे द्वितीय र व्यास नगरपालिका –११ स्थित बागेचौर कबुलियती वन समूह तृतीय भएका छन् । उनीहरुले क्रमशः सात, पाँच र तीन हजार नगद तथा प्रमाणपत्र प्राप्त गरे ।

डिभिजन वन कार्यालय तनहुँले आयोजना गरेको आर्थिक वर्ष २०७५/७६ को कार्यक्रम प्रगति समीक्षा तथा सार्वजनिक सुनुवाइ कार्यक्रममा कार्यालयका प्रमुख केदार बरालले उक्त वन समूहलाई आज पुरस्कृत गर्नुभएको हो ।

चर्चामा

सम्बन्धित समाचार

भर्खरै