मङ्लबार, मंसिर १४, २०७८ | Tuesday 30th November 2021
  • होमपेज
  • ट्याङ्कर फस्दा केआईसिंह राजमार्ग अवरुद्ध
समाचार

ट्याङ्कर फस्दा केआईसिंह राजमार्ग अवरुद्ध

डोटी, १६ कात्तिकः डोटी–डडेल्धुरा जोड्ने केआईसिंह राजमार्ग अवरुद्ध भएको छ । आज दिउँसो उक्त राजमार्गको रडुवामा ट्याङ्कर फसेपछि राजमार्ग अवरुद्ध भएको जिल्ला ट्राफिक प्रहरी कार्यालय दिपायलले जनाएको छ ।

गत असोज अन्तिम साताको अविरल वर्षाका कारण आएको बाढीपहिराले उक्त राजमार्गको रडुवा खोलामा पहिरो आउँदा सडक पूर्णरुपमा बगाएको थियो ।

बगाएको सडक लामो प्रयासपछि निर्माण गरी एकतर्फी रुपमा मात्रै गाडी सञ्चालन भइरहेकामा आज ट्याङ्कर फसेपछि राजमार्ग अवरुद्ध भएको हो ।

यहाँका पहाडी जिल्लाका लागि इन्धन बोकेर आएको ट्याङ्कर फसेको हो । ट्याङ्कर फसेपछि अहिले उक्त राजमार्गमा तराईबाट पहाड तथा पहाडबाट तराई जान हिँडेका सयौँ सवारी साधन तथा यात्रु अलपत्रमा परेका बताइएको छ । (रासस)

चर्चामा

सम्बन्धित समाचार

भर्खरै