मंगलबार, अशोज ५, २०७८ | Tuesday 21st September 2021
  • होमपेज
  • शिलास्मा फाउन्डेसनद्धारा प्रमाणपत्र प्रदान तथा तीज कार्यक्रम
मनोरञ्जन

शिलास्मा फाउन्डेसनद्धारा प्रमाणपत्र प्रदान तथा तीज कार्यक्रम

काठमाडौं, १७ भदौ । शिलास्मा फाउन्डेसनले १० जना जेहन्दार तथा विपन्न महिलाहरुलाई तीन महिने ब्यूटिसियन प्रशिक्षण दिएको छ । उनीहरुलाई बुधबार काठमाडौंमा एक समारोहबीच ब्यूटिसियन बेसिक कोर्ष सम्पन्न गरेको प्रमाणपत्र प्रदान गरियो । शिलास्मा फाउन्डेसनले काठमाडौंमा आयोजना गरेको प्रमाणपत्र प्रदान, फेशन सो तथा तीज दर कार्यक्रम २०७८ मा माईती नेपालकी अध्यक्ष अनुराधा कोईरालाले यी
प्रशिक्षार्थीहरुलाई ब्यूटिसियन उतिर्णको प्रमाणपत्र प्रदान गरिन् । आफ्नो फाउन्डेसनको तर्फबाट विभिन्न महिलालाई ब्यूटिसियन सम्बन्धि सिप सिकाएर शिलास्मा हमालले उनीहरुलाई आत्म निर्भर बन्न सहयोग पूर्याएको कोईरालाले सो कार्यक्रममा बताईन् । काठमाडौंको रविभवन स्थित रोज सिप विकाश तालिम केन्द्र तथा रोज ब्यूटी पार्लर एन्ड ट्रेनिङ सेन्टरबाट उनीहरुले तीन महिनाको बेसिक कोर्ष सम्पन्न गरेका हुन् ।

यसरी बेसिक कोर्षसम्पन्न गरेर प्रमाणपत्र प्राप्त गर्नेहरुमा कल्पना कुमाल, ममता शाह, मन्दिरा शाही, लिला कुमारी सुनुवार, रन्जु थापा, सारती बराल, रस्मिता लामा श्रेष्ठ, सृजना राई, सुनिता राना र निसान रुम्बा थिए । उनीहरुलाई रोज सिप विकाश तालिम केन्द्रकी म्यानेजिङ डिरेक्टर परिषी कारँजितले तीन महिने ब्यूटी सम्बन्धि प्रशिक्षण दिएकी थिईन् । सो कार्यक्रममा स्वागत मन्तव्य राख्दै रोज सिप विकाश तालिम केन्द्रकी अध्यक्ष एवम् बरिष्ट ब्यूटिसियन सोनी कारंजितले शिलास्मा फाउन्डेसनले समाजमा उदाहरणीय काम गरेको बताईन् । सामाजिक अभियान्ताको रुपमा परिचित शिलास्माले लामो समयदेखि गरिब दु:खी बिपन्नहरुलाई सहयोग गर्दै आएको, धेरैले सिप प्रशिक्षणको व्यबस्था गरेर आत्म निर्भर तुल्याएको पनि बरिष्ट ब्यूटिसियन सोनीले कार्यक्रममा बताईन् ।

तीज दर तथा प्रमाणपत्र प्रदान कार्यक्रममा विभिन्न व्यक्तलाई शिलास्मा फाउन्डेसनका तर्फबाट सम्मानित गरियो । सम्मानित हुनेहरुमा शसस्त्र प्रहरी बल महिला परिवारकी अध्यक्ष सरिता कँडेल खनाल, प्रहरी उपरिक्षक डा. सौजन्य कर्माचार्य, प्रहरी नायव उपरिक्षक उर्मिला गुरुङ थिए । यस्तै फेशन डिजाईनर गोमा अधिकारी धिताल, तारा राणा, दिब्य ठकुरी, निर्माला शर्मा, पेमा लामालाई पनि कार्यक्रममा सम्मान गरियो । कार्यक्रममा तीज स्पेशल फेशन सो गरिएको थियो । उषा खड्गीले तयार परेको तिज स्पेशल पहिरनमा सजिएर रोज सिप विकाश तालिम केन्द्रका एक दर्जन विधार्थीहरु र्याम्पमा उत्रिएका थिए ।

फेशन सोको शोस्टपरको रुपमा प७त्रगयतसर्व मिस नेपाल उषा खड्की थिईन् । यस्तै सो कार्यक्रममा विधाथीहरु पनि कोभिको भ्याक्सिन हामीलाई लगाउ र अनलाईन क्लास बन्द गर लेखिएको प्लेकार्ड सहित र्याम्पमा उत्रिएका थिए । उनीहरुको फेशन सो पनि आकर्षक थियो ।कार्यक्रममा आयोजक शिलास्मा हमालले लायान्सका विभिन्न पदाधिकारी, विभिन्न ब्यूटिसियन, कस्मेटिक व्यबसायी, सहयोगीहरुलाई मायाँको चिनो प्रदान गरिन् । उनले कार्यक्रममा आर्थिक रुपमा विपन्न एक किशोरी आमालाई आर्थिक सहयोग पनि गरिन् ।

शसस्त्र प्रहरीका कलाकार र रोज सिप विकाश तालिम केन्द्रका विधार्थीहरुले विभिन्न प्रकारका नृत्य प्रस्तुत गरेर कार्यक्रमको रौनक बढाएका थिए । यस्तै शिलास्माले कार्यक्रममा बोल्दै समाजमा रहेको विपन्नहरुका लागि केही गरौं भनेर शिलास्मा फाउन्डेसन स्थापना गरेको बताईन् । यो फाउन्डेसनबाट १० जनालाई ब्यूटिसियन सम्बन्धि प्रशिक्षण दिएको र अन्य विभिन्न कार्य पनि गर्दै आएको उनले जानकारी गराईन् । अग्रज ब्यूटिसियन सिता पाठकले शिलास्माको सामाजिक कार्यको प्रसँसा गर्दै यसलाई निरन्तरता दिन आग्रह गरिन् । कार्यक्रमको अन्त्यमा तीजको दर खाँदै महिला दिदी बहिनीहरु नाचगानमा रमाएका थिए ।

Facebook Comments

चर्चामा

सम्बन्धित समाचार

लोकप्रिय समाचार

भर्खरै