बिहिबार, मंसिर १६, २०७८ | Thursday 2nd December 2021
  • होमपेज
  • लिबियाली हवाई आक्रमणमा सात जना मोरक्कोका नागरिक मारिए
समाचार

लिबियाली हवाई आक्रमणमा सात जना मोरक्कोका नागरिक मारिए

राबाट, २२ असार । लिबियाको राजधानी त्रिपोलीको पूर्वी नगर ताजौरामा रहेको आप्रवासी केन्द्रमा भएको हवाई आक्रमणमा सात जना मोरक्कोका नागरिकको मृत्यु भएको छ । हवाई आक्रमणका समयमा त्यस केन्द्रमा १८ जना मोरोक्काली आप्रवासी रहेका थिए । मोरक्कोका विदेश मन्त्रीले शनिबार जारी गर्नुभएको विज्ञप्तिमा हवाई आक्रमणबाट आठ जना घाइते भएका अरु तीन जना बेपत्ता रहेको उल्लेख छ ।

विज्ञप्तिमा घाइते तथा मृत्यु भएका व्यक्तिको शव मोरक्को फिर्ता ल्याउन लिबियाली अधिकारीहरुसँग कुराकानी भइरहेको जनाइएको छ ।कागजात विहीन अफ्रिकी र अरब मुलुकका नागरिकलाई सामुद्रिक मार्गबाट युरोप प्रवेश गर्ने लिबिया मुख्य मार्ग हो ।

युरोपेली युनियनको आर्थिक सहयोगमा यस्ता अवैध आप्रवासीलाई लिबियाको जलक्षेत्रबाट पक्राउ गरी अस्थायी शिविरमा राख्ने गरिएको छ । तजौरामा गत मंगलबार भएको हवाई आक्रमणबाट कम्तीमा ५३ जनाको मृत्यु हुनुका साथै १३० जना घाइते भएको स्वास्थ्य अधिकारीहरुले जनाएका छन् । –सिन्ह्वा

चर्चामा

सम्बन्धित समाचार