मङ्लबार, माघ ४, २०७८ | Tuesday 18th January 2022
  • होमपेज
  • कोभिड–१९ विरूद्धको लडाईंमा अन्तराष्ट्रिय सहकार्यका लागि बेइजिङ तयारः प्रवक्ता कङ
राष्ट्र

कोभिड–१९ विरूद्धको लडाईंमा अन्तराष्ट्रिय सहकार्यका लागि बेइजिङ तयारः प्रवक्ता कङ

बेइजिङ, ११ वैशाखः चीनले कोभिड–१९ को प्रकोपसँग जुझ्नेबारे अन्तर्राष्ट्रिय सहकार्यकालागि प्रस्ताव जिम्मेवारी बहन गर्न तयार रहेको चिनियाँ विदेश मन्त्रालयका प्रवक्ताले बिहीबार बताउनुभएको छ ।

मन्त्रालयका प्रवक्ता कङ सुवाङले नियमित पत्रकार भेटमा उक्त विचार व्यक्त गर्नुभएको हो । उहाँले संयुक्त राष्ट्रसंघ सुरक्षा परिषद्को स्थायी सदस्यका हैसियतमा कोभिड–१९को सम्भावित भिडियो सम्मेलनबारे गरिएको प्रश्नको उत्तरमा उहाँले चीनले आवश्यकता अनुसार जिम्मेवारी लिन तयार रहेको बताउनुभएको हो ।

“कोभिड–१९ को प्रकोप विश्वव्यापीरूपमा फैलिइरहेका समय संयुक्तरूपमा लड्ने ऐक्यवद्धताबाट नै अन्तर्राष्ट्रिय समुदायले यस महामारीलाई पार लगाउन सक्नेछ,” उहाँले भन्नुभयो । समस्या समाधानका लागि अन्तर्राष्ट्रिय सहकार्यका सबै प्रस्तावप्रति चीनको सधैँ सकारात्मक धारणा रहेको उहाँले बताउनुभयो ।

“सम्मेलन सही समयमा हुन लागेको छ । हामीलाई विश्वास छ विश्व समुदायले कोरोनाभाइरस सङ्क्रमणविरूद्ध विश्वव्यापी लडाईंमा सहयोगका लागि ऐक्यवद्धता व्यक्त गर्नेछ,” कङले बताउनुभयो । चीनले सबै सम्वद्ध पक्षसँग यसबारे सूचना आदानप्रदान गर्न चाहन्छ,” उहाँले जोड दिनुभयो । (रासस/सिन्ह्वा)

चर्चामा

सम्बन्धित समाचार