बुधबार, मंसिर १५, २०७८ | Wednesday 1st December 2021
  • होमपेज
  • रोकिएन टिप्पर आतंक, मध्यपुर थिमिमा टिप्परको ठक्करबाट २७ वर्षीय समीरको गयो ज्यान
समाचार

रोकिएन टिप्पर आतंक, मध्यपुर थिमिमा टिप्परको ठक्करबाट २७ वर्षीय समीरको गयो ज्यान

मध्यपुरथिमि, १६ मङ्सिर : मध्यपुर थिमिको राधेराधेबाट भक्तपुर नगरपालिका–१ सल्लाघारीतर्फको सर्भिस ट्र्याकमा टिप्परले ठक्कर दिँदा पैदल यात्री उदयपुर चौदण्डीगढी नगरपालिका घर भएका २७ वर्षीय समीर विकको मृत्यु भएको छ ।

महानगरीय प्रहरी परिसर भक्तपुरका प्रहरी उपरीक्षक रेवतीरमण पोखरेलले टिप्परले ठक्कर दिई घाइते विकलाई तत्कालै उपचारका लागि इवामुरा मेमोरियल अस्पताल लगिएकामा मृत्यु भएको बताउनुभयो ।

ठक्कर दिई फरार रहेको सवारी साधनलाई सिसी टिभीबाट प्राविधिक अनुसन्धान तथा विभिन्न स्थानमा प्रहरी टोली खटिई खोजी गर्ने क्रममा काठमाडौँ कोटेश्वर तीनकुनेबाट बा.३ख. २५३१ नंको टिप्पर र चालक काभ्रे महाभारत गापा–८ घर भई हाल काभ्रे साँगा बस्ने ३० वर्षीय सिद्धिमान तामाङलाई पक्राउ गरिएको छ । (रासस)

चर्चामा

सम्बन्धित समाचार

भर्खरै