शनिबार, मंसिर १८, २०७८ | Saturday 4th December 2021
  • होमपेज
  • उपचारका लागि विदेश जान सरिफलाई पाकिस्तानी सरकारको अनुमति
राष्ट्र

उपचारका लागि विदेश जान सरिफलाई पाकिस्तानी सरकारको अनुमति

इस्लामाबादः पाकिस्तानका पूर्वप्रधानमन्त्री नवाज सरिफलाई उपचारका लागि विदेश जान पाकिस्तानी सरकारले बुधबार अनुमति दिने निर्णय गरेको छ । उहाँको स्वास्थ्य अवस्थालाई ध्यानमा राखेर उहाँलाई उपचारका लागि विदेश जान अनुमति दिने निर्णय गरिएको एक मन्त्रीले जानकारी दिएका छन् ।

पाकिस्तानको तीन पटक प्रधानमन्त्री भइसक्नु भएका सरिफ भ्रष्टाचारसम्बन्धी मुद्दामा दोषी ठहरिँदै जेल सजाय भोगिरहनु भएको छ ।कारागारमै रहेका बेला गम्भीर बिरामी भएको विवरण सार्वजनिक भएपछि पाकिस्तानको एक अदालतले केही दिन अगाडि उहाँलाई कारागारबाट बाहिर निकालेर अस्पताल लगेर उपचार गराउन आदेश दिएको थियो ।

अदालतको आदेशपछि उहाँलाई केही दिन अस्पतालमा राखेर उपचार गराइएको थियो भने त्यसपछि अति सघन कक्ष (आईसीयू) र चिकित्सकहरूको टोली उहाँकै निवासमा व्यवस्था गरिएको थियो ।

स्वदेशमा गरिएको उपचार पर्याप्त नभएको ठहर गरेर उहाँलाई थप उपचारका लागि लण्डन लैजाने तयारी भइरहेका बेला उहाँलाई सरकारले लण्डन जान अनुमति दिएको हो । उहाँलाई उपचारका लागि विदेश बस्न चार हप्ताको समय तोकिएको एक मन्त्रीले पत्रकारहरूलाई जानकारी दिएका छन् । –सिन्ह्वा

चर्चामा

सम्बन्धित समाचार

भर्खरै