बुधबार, मंसिर २२, २०७८ | Wednesday 8th December 2021
  • होमपेज
  • डोल्पामा सामाजिक विकास कार्यालय स्थापना
समाचार

डोल्पामा सामाजिक विकास कार्यालय स्थापना

डोल्पा, १६ कात्तिक: डोल्पामा सामाजिक विकास कार्यालयको स्थापना गरिएको छ । कर्णाली प्रदेश सरकारका उद्योग, पर्यटन वन तथा वातावरणमन्त्री नन्दसिंह बुढाले सामाजिक विकास मन्त्रालयअन्तर्गतको शिक्षा निर्देशनालय सामाजिक विकास कार्यालयको उद्घाटन गर्नुभएको हो ।

भौगोलिक विकटतालाई मध्यनजर गरि जनगुनासोअनुसार नै प्रदेश सरकारका विकासे चार मन्त्रालयका दुई–दुई कार्यालय जिल्लामा राखिएको बताउँदै मन्त्री बसढाले गत भदौ ६ गते कर्णाली प्रदेश सरकारले निर्णय गरेअनुसार जिल्लामा धमाधम कार्यालय स्थापना भइरहेका बताउनुभयो ।

जनताले पाउने सेवालाई प्रभावकारी बनाउन जिल्लाबाटै सेवा प्रवाह गर्नेगरी कार्यालयको स्थापना गरिएको कार्यालय प्रमुख धनञ्जय आचार्यले जानकारी दिनुभयो । उहाँका अनुसार सामाजिक विकास कार्यायलबाट शिक्षा, महिला तथा बालबालिका, अपाङ्ग, ज्येष्ठ नागरिक, श्रम र मुख्यमन्त्री रोजगार कार्यक्रम लगायतका काम हुने तथा नागरिकले जिल्लाबाटै सेवा पाइने छ ।

हाल छ कर्मचारीले जिल्लाबाट सेवा प्रदान गर्नेछन् । जिल्लामा कार्यालय स्थापना मात्रै हुने र कर्मचारी नबस्ने भन्ने नागरिकको गुनासोलाई मध्यनजर गरी एक सातामा केही योजनासहित कार्यालयमा सबै कर्मचारी आइपुग्ने कार्यालय प्रमुख आचार्यले जानकारी दिनुभयो । (रासस)

चर्चामा

सम्बन्धित समाचार