बुधबार, कार्तिक ३, २०७८ | Wednesday 20th October 2021
  • होमपेज
  • सञ्चार क्षेत्र राज्यबाट सुरक्षित छः मन्त्री अर्याल
विविध

सञ्चार क्षेत्र राज्यबाट सुरक्षित छः मन्त्री अर्याल

स्याङ्जा, २३ भदौः भूमि व्यवस्था, सहकारी तथा गरीबी निवारणमन्त्री पद्माकुमारी अर्यालले सञ्चार क्षेत्र राज्यबाट असुरक्षित नभएको बताउनुभएको छ । रेडियो स्याङ्जाको दशौँ वार्षिकोत्सव एवं स्याङ्जा टेलिभिजनको शुभारम्भ कार्यक्रममा उहाँले मिडिया विधेकका विषयमा बाहिर टिकाटिप्पणी भएजस्तो गरी सरकारले विधेयक नल्याएकाले सरकारले सञ्चार क्षेत्रलाई अभिभावकत्व प्रदान गर्ने बताउनुभयो ।

लोकतन्त्रको स्थापनाका लागि सञ्चार क्षेत्रले महत्वपूर्ण भूमिका खेलेको उल्लेख गर्दै उहाँले भन्नुभयो, “मिडियालाई दबाउने भन्ने कुरा सरकारले सोच्न पनि सक्दैन् ।” मन्त्री अर्यालले सञ्चार विधेक मिडियालाई नियन्त्रण गर्न नभइ नियमन गर्न ल्याइएको हुँदा यसबाट आत्तिनुनपर्ने बताउनुभयो ।

आजभोलि सञ्चार माध्यामले छिटो समाचार सम्प्रेषण गर्ने नाममा गलत र तथ्यहीन समाचार सम्प्रेषण गर्दा मिडियाप्रति जनताको विश्वास घट्दै गएकाले धमिलिएको छवि सञ्चारमाध्यम एवं पत्रकारले बचाइ राख्नुपर्नेमा उहाँको जोड थियो । अबको समय आर्थिक समृद्धिको भएकाले गरीबी हटाउन सबै नागरिकलाई उत्पादनसँग जोड्नुपर्ने उहाँको भनाइ थियो । (रासस)

चर्चामा

सम्बन्धित समाचार

लोकप्रिय समाचार